Posted on: 23 Dec 2011
കമ്പ്യൂട്ടിങിന്റെ അത്ഭുതലോകം തുറക്കാന്‍ പുത്തന്‍ സംരംഭം
കമ്പ്യൂട്ടര്‍ ഓണ്‍ ചെയ്യുക, ഫെയ്‌സ്ബുക്ക് പോലുള്ള ഏതെങ്കിലും സൗഹൃദക്കൂട്ടായ്മയില്‍ അപ്‌ഡേറ്റുകള്‍ നടത്തുക, പവര്‍പോയന്റ് അവതരണം തയ്യാറാക്കുക, ഈമെയില്‍ അയയ്ക്കുക-ഇതിലപ്പുറം കമ്പ്യൂട്ടറിനെക്കുറിച്ചോ കമ്പ്യൂട്ടിങിനെക്കുറിച്ചോ അറിയാത്ത പുതിയ തലമുറയ്ക്ക് യഥാര്‍ഥ കമ്പ്യൂട്ടിങിന്റെയും പ്രോഗ്രാമിങിന്റെയും ആവേശം പകരാന്‍ 25 ഡോളര്‍ (16 പൗണ്ട്) വിലയുള്ള കമ്പ്യൂട്ടര്‍ വരുന്നു.
കഴിഞ്ഞ എഴുപതുകളിലും എണ്‍പതുകളിലും കമ്പ്യൂട്ടങിന്റെ അത്ഭുതലോകത്തേക്ക് ചെറുപ്പക്കാരെ ആകര്‍ഷിച്ച കമ്പ്യൂട്ടര്‍ കിറ്റുകളെ അനുസ്മരിപ്പിക്കുന്നതാണ് ഈ ചെറു കമ്പ്യൂട്ടറെന്ന് റിപ്പോര്‍ട്ടുകള്‍ പറയുന്നു. ലിനക്‌സ് അധിഷ്ഠിത ഒഎസില്‍ പ്രവര്‍ത്തിക്കുന്ന, ചെറിയൊരു കാര്‍ഡിന്റെ വലിപ്പം മാത്രമുള്ള ഈ കമ്പ്യൂട്ടര്‍, ചാരിറ്റി സംഘടനയ്ക്കു കീഴില്‍ കേംബ്രിഡ്ജ് കേന്ദ്രമായി പ്രവര്‍ത്തിക്കുന്ന 'റാസ്ബറി പൈ' പ്രോജക്ടിന്റെ ഉത്പന്നമാണ്.
സ്‌കൂള്‍ വിദ്യാര്‍ഥികളെ ലക്ഷ്യംവെച്ചാണ് പുതിയ കമ്പ്യൂട്ടര്‍ തയ്യാറാക്കുന്നതെന്ന്, പ്രോജക്ടില്‍ പ്രവര്‍ത്തിക്കുന്ന ഡേവിഡ് ബ്രാബന്‍ അറിയിക്കുന്നു. ഈ കമ്പ്യൂട്ടറിനായുള്ള പോപ്പുലേറ്റഡ് സര്‍ക്കീട്ട് ബോര്‍ഡുകളുടെ ചിത്രങ്ങള്‍ റാസ്ബറി പൈ വ്യാഴാഴ്ച ആദ്യമായി പുറത്തുവിട്ടു. കമ്പ്യൂട്ടറുകളെ വ്യത്യസ്ത രീതിയില്‍ കാണാന്‍ കുട്ടികളെ പ്രേരിപ്പിക്കുകയാണ് ഈ പദ്ധതിയുടെ ലക്ഷ്യമെന്ന് ബ്രാബന്‍ ബി.ബി.സിയോട് പറഞ്ഞു.
മൊബൈല്‍ ഫോണുകളില്‍ കാണപ്പെടുന്ന ആം ചിപ്പ് (ARM Chip) ആണ് പൈ കമ്പ്യൂട്ടറുകളില്‍ ഉപയോഗിക്കുന്നത്. ഇലക്ട്രിക്കല്‍, ഹാര്‍
ഡ്‌വേര്‍, സോഫ്ട്‌വേര്‍ ടെസ്റ്റുകള്‍ വിജയിച്ചാല്‍, റാസ്ബറി പൈ ഉപകരണങ്ങള്‍ ജനവരിയോടെ ബ്രിട്ടനില്‍ വില്‍പ്പനയ്‌ക്കെത്തുമെന്ന് സെഡ് നെറ്റ് (ZNET) പ്രസിദ്ധീകരിച്ച റിപ്പോര്ട്ട് പറയുന്നു. പ്രസിദ്ധമായ 100 ഡോളര്‍ ലാപ്‌ടോപ്പ് പദ്ധതിയെ അനുസ്മരിപ്പിക്കുന്നതാണ് റാസ്ബറി പൈ പ്രോജക്ട്.ഒരു കമ്പ്യൂട്ടര്‍ കീബോര്‍ഡും ടിവിയുമായി ബന്ധിപ്പിച്ച് പ്രവര്‍ത്തിപ്പിക്കാവുന്ന രൂപത്തിലാണ് പൈ കമ്പ്യൂട്ടര്‍ രൂപപ്പെടുത്തിയിരിക്കുന്നത്. ഒരു പേഴ്‌സണല്‍ കമ്പ്യൂട്ടറില്‍ കഴിയുന്ന കാര്യങ്ങള്‍ ഇതിലും സാധ്യമാകുമെന്ന് റാസ്ബറി പൈ വെബ്ബ്‌സൈറ്റ് പറയുന്നു. സ്‌പ്രെഡ്ഷീറ്റുകള്‍, വേഡ് പ്രൊസസിങ്, ഗെയിമുകള്‍, ഹൈഡെഫിനിഷന്‍ വീഡിയോ പ്ലേ ചെയ്യല്‍ ഒക്കെ സാധ്യമാകും. എന്നാല്‍, 'ലോകമെങ്ങുമുള്ള കുട്ടികള്‍ പ്രോഗ്രാമിങ് പഠിക്കാന്‍ ഇത് ഉപയോഗിക്കുന്നത് കാണാനാണ് ഞങ്ങള്‍ക്ക് താത്പര്യം'-റാസ്ബറി പൈ പറയുന്നു.
700MHz ARM പ്രൊസസറില്‍ പ്രവര്‍ത്തിക്കുന്ന പൈ കമ്പ്യൂട്ടറില്‍ എസ്ഡി കാര്‍ഡിലായിരിക്കും വിവരങ്ങള്‍ ശേഖരിക്കുക. മുഖ്യ പ്രോഗ്രാമിങ് ലാംഗ്വേജ് 'പൈതണ്‍' (Python) ആയിരിക്കും. രണ്ട് വേര്‍ഷനുകള്‍ പൈ കമ്പ്യൂട്ടറിന് ഉണ്ടാകും - 25 ഡോളര്‍ (ഏതാണ്ട് 1350 രൂപ), 35 ഡോളര്‍ (1890 രൂപ) എന്നിങ്ങനെ. ഇതില്‍ ആദ്യ വേര്‍ഷനില്‍ ഒരു യുഎസ്ബി പോര്‍ട്ടാവും ഉണ്ടാവുക, എര്‍ത്ത്‌നെറ്റ് കണക്ടിവിറ്റി ഉണ്ടാവില്ല. രണ്ടാമത്തെ മോഡലില്‍ രണ്ട് യുഎസ്ബി പോര്‍ട്ടുകളും എര്‍ത്ത്‌നെറ്റ് കണക്ടിവിറ്റിയും ഉണ്ടാകും.
റാസ്ബറി പൈയുടെ ഉത്പന്നങ്ങള്‍ പോപ്പുലേറ്റഡ് ബോര്‍ഡുകളുടെ രൂപത്തിലാണ് ലഭ്യമാവുക. 'ഗെര്‍ട്ട്‌ബോര്‍ഡ്' (Gertboard) എന്ന പേരിലുള്ള പ്രിന്റഡ് സര്‍ക്കീട്ട് ബോര്‍ഡുകളും രംഗത്തെത്തിക്കാന്‍ ഉദ്ദേശിക്കുന്നുണ്ട്. യൂസര്‍ക്ക് ആവശ്യമുള്ള ഇലക്ട്രോണിക് ഭാഗങ്ങള്‍ വാങ്ങി സോള്‍ഡര്‍ ചെയ്യാന്‍ പാകത്തിലുള്ളതാകും ഗെര്‍ട്ട്‌ബോര്‍ഡുകള്‍. (ഫോട്ടോ കടപ്പാട് : Raspberry Pi, വിഡിയോ : ബി.ബി.സി)
Sources : Mathrubhumi dt 23-12-2011
ഓപ്പണ്‍സോഴ്‌സ് സംരംഭമായ 
കൊച്ചി: ചക്രങ്ങള്‍ ആവശ്യമില്ലാത്ത വൈദ്യുത കാന്തിക ശക്തിയുടെ സഹായത്തോടെ പ്രവര്‍ത്തിക്കുന്ന സാങ്കേതികതയാണ് കൊച്ചി മെട്രോ റെയിലില്‍ ഉപയോഗിക്കുമെന്ന് പറയുന്ന 'മാഗ്‌ലെവ്' ടെക്‌നോളജി. മാഗ്‌നറ്റിക് ലെവിറ്റേറ്റിങ് എന്നാണ് ഭൗതികശാസ്ത്ര തത്ത്വത്തില്‍ ഈ സാങ്കേതികവിദ്യ അറിയപ്പെടുന്നത്. മാഗ്‌നറ്റിക് ലെവിറ്റേഷന്‍ എന്നതിന്റെ ചുരുക്കി എഴുത്താണ് 'മാഗ്‌ലെവ്'. രണ്ട് കാന്തങ്ങളുടെ സാമ്യവശങ്ങള്‍ വികര്‍ഷിക്കും വ്യത്യസ്ത വശങ്ങള്‍ ആകര്‍ഷിക്കും എന്നതിനെ അടിസ്ഥാനമാക്കിയാണ് ഈ സാങ്കേതിക വിദ്യ വികസിപ്പിച്ചെടുത്തത്. ചക്രങ്ങള്‍ ഇല്ലാത്ത ട്രെയിന്‍ ഓടുന്ന പാതയുമായി സ്പര്‍ശിക്കില്ല. പാളത്തില്‍ നിന്ന് ഒരു സെന്‍റിമീറ്റര്‍ ഉയര്‍ന്നാണ് ട്രെയിന്‍ നില്‍ക്കുക. ട്രെയിന്‍ സഞ്ചരിക്കുന്ന പാതയെ 'ഗൈഡ്‌വേ' എന്നാണ് വിളിക്കുന്നത്. ശക്തിയേറിയ വൈദ്യുത കാന്തിക വസ്തുക്കളാല്‍ നിര്‍മ്മിതമായ ഗൈഡ്‌വേയില്‍ നിന്ന് ട്രെയിനെ ഉയര്‍ത്തി നിര്‍ത്താന്‍ സൂപ്പര്‍ കണ്ടക്ടീവ് കാന്തികവസ്തുക്കളാണ് ട്രെയിനിന്റെ അടിവശത്ത് പിടിപ്പിച്ചിരിക്കുന്നത്. ഒരേ വശമുള്ള കാന്തങ്ങള്‍ ആയതിനാല്‍ വികര്‍ഷണം മൂലം ട്രെയിന്‍ ഉയര്‍ന്നു നില്‍ക്കും. ട്രെയിനിന്റെ വശങ്ങളില്‍ ഘടിപ്പിച്ചിരിക്കുന്ന കാന്തങ്ങളുടെ ശക്തി അധികമായുണ്ടാകുന്ന വികര്‍ഷണം തടയുകയും ചെയ്യും. രണ്ട് കാന്തിക മണ്ഡലങ്ങളുടെ സ്വതന്ത്രമായ പ്രവര്‍ത്തനം ട്രെയിനിന്റെ വേഗത്തെയും സ്വാധീനിക്കും. ട്രാക്കുമായി നേരിട്ട് ബന്ധമില്ലാത്തതിനാല്‍ ഘര്‍ഷണം മൂലം ട്രെയിനിന്റെ വേഗത്തില്‍ വരുന്ന കുറവ് തടയാന്‍ കഴിയും.
