മൂവായിരം രൂപയ്ക്ക് ഇനി കമ്പ്യൂട്ടര്‍കൈയിലൊരു കമ്പ്യൂട്ടര്‍ എന്നത് ഇനി സ്വപ്നമാവില്ല. 2500 ഡോളറിന് കാര്‍ ഇറക്കി ലോകത്തെ അത്ഭുതപ്പെടുത്തിയ ഇന്ത്യയില്‍ 2250 രൂപയ്ക്ക് കമ്പ്യൂട്ടറും ഇറങ്ങുന്നു. കാനഡയിലെ ഡാറ്റാവിന്‍ഡ് കമ്പനി നിര്‍മിക്കുന്ന 'ആകാശ്' ടാബ്‌ലെറ്റ് കമ്പ്യൂട്ടറാണ് നവംബര്‍മുതല്‍ വിപണിയിലെത്തുക. പൊതുവിപണിയില്‍ ഏതാണ്ട് 3000 രൂപയ്ക്ക് ലഭ്യമായേക്കാവുന്ന ഈ കുഞ്ഞന്‍ കമ്പ്യൂട്ടര്‍ അതിനുമുമ്പായി രാജ്യത്തെ ഒരുലക്ഷം കോളേജ് വിദ്യാര്‍ഥികള്‍ക്ക് സര്‍ക്കാര്‍സബ്‌സിഡിയോടെ 1400 രൂപയ്ക്ക് നല്‍കും. ഏഴിഞ്ച് ടച്ച് സ്‌ക്രീനും 256 എം.ബി റാമും വൈ-ഫൈ ഇന്‍റര്‍നെറ്റ് സൗകര്യവും ആകാശ് ടാബ്‌ലെറ്റിന്റെ സവിശേഷതയാണ്. ആന്‍ഡ്രോയ്ഡ് 2.2 ആണ് ഇതിലെ ഓപ്പറേറ്റിങ് സിസ്റ്റം. മള്‍ട്ടിമീഡിയ പ്ലെയര്‍, രണ്ട് ജി.ബി. എക്‌സ്റ്റേണല്‍ സ്റ്റോറേജ് കാര്‍ഡ്, രണ്ട് യു.എസ്.ബി. പോര്‍ട്ടുകള്‍ എന്നിവയും ആകാശിലുണ്ട്. മൂന്നുമണിക്കൂര്‍ പ്രവര്‍ത്തിക്കുന്ന ബാറ്ററിയാണ് ഉപയോഗിച്ചിരിക്കുന്നത്. 800* 480 റസല്യൂഷനോടു കൂടിയ എല്‍.സി.ഡി. സ്‌ക്രീനും ഉണ്ട്. പുറമെനിന്ന് കണക്ട് ചെയ്ത് ഉപയോഗിക്കാന്‍ മുന്നൂറ് രൂപയുടെ കീബോര്‍ഡും ലഭ്യമാണ്. ഒരുവര്‍ഷത്തെ റീപ്ലേസ്‌മെന്‍റ് വാറണ്ടിയും നല്‍കുന്നുണ്ട്. പ്രമുഖ ബ്രാന്‍ഡുകളുടെ ടാബ്‌ലെറ്റ് കമ്പ്യൂട്ടറുകള്‍ക്ക് 9990 മുതല്‍ 32000 രൂപവരെയാണ് വില. സാധാരണ ഡെസ്‌ക്‌ടോപ് കമ്പ്യൂട്ടറുകളുടെ ശേഷിയോ ആപ്പിള്‍ ഐപാഡിന്റെ വേഗമോ മേന്മകളോ ആകാശിനില്ലായിരിക്കാം. എന്നാല്‍, അല്‍പ്പം വേഗം കുറവാണെങ്കിലും ഐപാഡ് ചെയ്യുന്ന പല കാര്യങ്ങളും ആകാശിനുമാവും. വൈ-ഫൈ ലിങ്കോ യു.എസ്.ബി. ഡാറ്റയോ സിംകാര്‍ഡോ ഉപയോഗിച്ച് ആകാശ് ടാബ്‌ലെറ്റില്‍ ഇന്‍റര്‍നെറ്റ് എടുക്കാം. ടെലികോംകമ്പനികളുമായി സഹകരിച്ച് പ്രതിമാസം 99 രൂപയ്ക്ക് ഇന്‍റര്‍നെറ്റ് സേവനങ്ങള്‍ ലഭ്യമാക്കുന്ന പാക്കേജ് തുടങ്ങാനും കമ്പനി ആലോചിക്കുന്നുണ്ട്. കനമുള്ള പുസ്തകങ്ങള്‍ ബാഗില്‍ നിറച്ച് കൊണ്ടു നടക്കുന്നതിന് പകരമായി കുഞ്ഞുങ്ങള്‍ക്ക് ഈ കുഞ്ഞന്‍ കമ്പ്യൂട്ടറിനെ ഉപയോഗപ്പെടുത്താം. പഠനത്തിനാവശ്യമായ പുസ്തകങ്ങളും മറ്റു വിവരങ്ങളും ടാബ്‌ലെറ്റിലേക്ക് ഡൗണ്‍ലോഡ് ചെയ്ത് കാണാം. രാജ്യത്തെ 1500 കോളേജുകളിലായി വിദ്യാര്‍ഥികള്‍ക്ക് എഴുപതിനായിരം ഇ-ബുക്കുകളും 2100 ഇ-ജേര്‍ണലുകളും ആകാശ് വഴി ലഭ്യമാകും. മള്‍ട്ടിമീഡിയ സൗകര്യം ഉപയോഗിച്ച് പാട്ടും വീഡിയോയും ആസ്വദിക്കാം. ഫോണ്‍ വിളിക്കാന്‍, എച്ച്.ഡി വീഡിയോ കാണാന്‍, നോട്ടുകള്‍ കുറിക്കാന്‍... എല്ലാം ഇനി ആകാശ് മതി. ആദ്യഘട്ടത്തില്‍ ആകാശ് എന്ന പേരില്‍ വിദ്യാര്‍ഥികളുടെ കൈയിലെത്തുന്ന ടാബ്‌ലെറ്റ്, വിപണിയിലെത്തുമ്പോള്‍ പേര് 'യുബിസ്ലേറ്റ്' എന്നാകും. 2ജി കണക്ഷനുകളില്‍ ബ്രോഡ്ബാന്‍ഡ് സൗകര്യം ലഭ്യമാക്കാന്‍ രണ്ട് ടെലികോം കമ്പനികളുമായി ഡാറ്റാവിന്‍ഡ് ചര്‍ച്ച നടത്തിവരികയാണ്. 2 ജി സിംകാര്‍ഡിലാണ് യുബിസ്ലേറ്റ് പ്രവര്‍ത്തിക്കുക. 3 ജി സൗകര്യം ലഭ്യമാകാന്‍ ടാബ് ലെറ്റിലെ യു.എസ്.ബി സ്ലോട്ടുകളില്‍ മോഡം ഉപയോഗിക്കാം. ദീപാവലിക്കു മുമ്പ് വിപണിയിലിറക്കാനാണ് കമ്പനി ലക്ഷ്യമിടുന്നത്. വിദേശഇന്ത്യക്കാരായ രാജാ സിങ് ടുളിയും സുനീത് സിങ് ടുളിയുമാണ് ഡാറ്റാവിന്‍ഡിന്റെ സ്ഥാപകര്‍. ആപ്പിള്‍ ഐപാഡിന്റെ ഉപഭോക്താക്കളെയല്ല തങ്ങള്‍ ലക്ഷ്യമിടുന്നതെന്ന് ഡാറ്റാവിന്‍ഡ് സി.ഇ.ഒ
No comments:
Post a Comment
Hmmmmm... what are you thinking? Do not forget to comment,It helps us to improve this blog and help us to make better. on